إعلامي مصري يهاجم دراما رمضان: مليئة بالبلطجة وجرائم الخطف وسرقة الآثار - خبر صح

هاجم المحامي والإعلامي المصري، خالد أبوبكر، الأعمال الدراميا التي تعرض في موسم رمضان ، مؤكدا أنها مليئة بجرائم الخطف وسرقة الآثار، وما تعكسه من ملامح الشارع المصري التي تفتقد إلى الانضباط.

الدراما سلاح خطير

ووجه الإعلامي المصري رسالة إلي وزير الداخلية المصري، قال فيها إن الدراما سلاح خطير يؤثر في العقول، وتأثيره مباشر وأثره أكبر من تأثير الخطط الحكومية للنهوض بالعقول

بلطجة وسلاح وخطف

واكمل الإعلامي المصري رسالته إلي وزير الداخلية قائلا:" إحنا آسفين يا سيادة الوزير صرفنا شوية فلوس علي بعض اعمال درامية فيها بلطجة وسلاح وخطف وخناقات وتجارة اثار، هو كمان معلش كان في بعض الاعمال المنتجة في رمضان السنة دي شوية الفاظ الحقيقة جديدة من نوعها"

ارتفاع معدل الجريمة

واضاف أبو بكر:" افتكر كمان كان في شكل للشارع المصري يظهر أن معدل الجريمة مرتفع حبتين ،أنا طبعا وسيادتك عارفين إن الكلام ده هيبقي له أثره في الشارع ، وإن كتير من الشباب الصغير بيتأثر بمثل هذا النوع من الأعمال، فمبدأيا احنا اسفين لو ضياط مكافحة المخدرات الشغل تقل عليهم حبتين، ولو ضياط المباحث الجنائية ضاعفوا شغلهم مرة كمان، ولو ضباط مباحث الانترنت الدنيا عندهم بقت صعبة، يمكن ده يفضل لحد رمضان اللي جاي "

هي دي الأحياء المصرية بتاعتنا

وتابع الإعلامي المصري،: "أنا بس عندي سؤال يا فندم : هو ده الشارع المصري بتاعنا ؟ هي دي الأحياء المصرية بتاعتنا الجميلة اللي بيحكمها الأدب والاصول قبل القانون ؟ مش عارف" !!

وأضاف أبو بكر:" كمان يافندم احنا اسفين بالمر ة إن التعليم والثقافة في البلد بعافية شويتين وان مواقع التواصل الاجتماعي بينت حال كتير مننا والوضع اللي وصلناله"

وتابع :" الكام موضوع اللي فاتوا دول انا عارف ممكن يكلفوك يا سيادة الوزير ضباط من خيرة شبابنا تروح حياتهم في مقاومة العنف والجرائم المتنوعة"

مكافحة الإرهاب

وانتقد أبو بكر، عدم انتاج أعمال مصرية تناقش جهود الدولة في الحرب علي الإرهاب ، وتلقي الضور علي دور ضباط مكافحة المخدرات وضباط الامن العام والمباحث الشهداء الذين ارتقوا في مواجهة الجريمة ليحموا الشارع المصري ويحافظوا علي البيوت المصرية آمنة

وواصل الإعلامي المصري ، حديثه إلي وزير الداخلية قائلا : " هل ممكن تقول للوزراء مجتمعين إن كده كتير ، هل ممكن تقولهم ان ضباط الداخلية هما اللي في الشارع وان الكلام ده بيشوفوا أثره في صورة جرائم .. هل ممكن يا فندم تقولهم حقيقة الشوارع المصرية الطيبة خاصة في الاماكن الشعبية اللي بيحكمها الأصول"